మీరు ఇసుకలో అక్షరాలు దిద్దుకుని నేర్చుకున్నారా? పిండిలో ఓనమాలు కాదు.. అక్షరాలన్నీ! ఇసుకలోనే!!

పోనీ లాంతరు, బుడ్లు తీసుకుని ప్రైవేటుకెళ్ళి చదువుకున్నారా? లేదా.. మీకా అదృష్టం లేదన్న మాట! పోన్లెండి!

సాకలైవోర్లు, కోమటి పంతుళ్ళు, పొలిమేర బళ్ళు,… ఇవన్నీ పోయాయి. ఇప్పుడన్నీ కాన్వెంటులూ, నేషనల్, ఇంటర్నేషనల్ స్కూళ్ళే! ఏడో తరగతి నుండే ఎమ్‌సెట్లు, ఆరో తరగతి నుండి ఐఐటీలు.

రాయలసీమలో ఓ రైతు కుటుంబంలో పుట్టిన ఓ రైతు..

ఆగండాగండి.. కాదు, ఆయన కాదు! వీరి పేరు ఆదినారాయణరెడ్డి!

ఆదినారాయణరెడ్డి గారు రైతు బిడ్డే కాదు రైతు కూడా! తాను ఎలా చదువుకున్నారో చెబుతున్నారాయన. పొద్దులో గతంలో అహం అనే వ్యాసం రాసారు కూడా! పదండి ఆదినారాయణరెడ్డి గారి సాకలైవోరు చదువెలా చెప్పారో తెలుసుకుందాం.