ఈ నెలతో గడి ఏడాది పూర్తిచేసుకొంది. ఏడాదిపాటు ఈ శీర్షిక విజయవంతంగా నడిచిందంటే, దానికి పాఠకులు చూపిన అనూహ్యమైనే ఆదరణే కారణం. గడిపై వ్యాఖ్యలు, స్లిప్పులూ, మాస్-కాపీయింగు, చమత్కారాలు అన్నిటితో ఇది గడి కాదు, బొమ్మల కొలువు అన్నట్టుగా మారిందంటే - దానికి కొత్తపాళీగారి లాటి విజ్ఞులైన పాఠకులే కారణం అని వేరే చెప్పనక్కరలేదు.

త్వరలోనే గడిరూపు రేఖలు మారనున్నాయి -ఒకేపేజీలో మెత్తం గడంతా ప్రింటవుటు తీసుకోడానికి వీలుగా, ఇంటర్ఫేసుని మారుస్తున్నాం.

కొవ్వలి సత్యసాయిగారు మొదటిసారి చేసిన గడి సులువుగా ఉందని అందరూ అన్నారు, అందుకేనేమో ఈసారి ప్రొఫెసరుగారు తన సత్తా ఎంటో చూపారు. అయినా, ఆయన మహిమేంటోగాని - ఈసారి కూడా వారి గడికి మంచి స్పందన వచ్చింది. ఈ నెల గడిని భైరవభట్ల కామేశ్వరరావుగారు సమర్పిస్తున్నారు.

భైరవభట్ల వారు గతంలో కూర్చిన గడికి బహుమతి కూడా ప్రకటించినప్పటికీ, వారా గడిని మరీ ఎత్తులో నిలబెట్టటం చేత బహుమతి అందలేదు. పైగా అప్పట్లో మా.కా. కూడా లేదాయెను. ఈ సారి ఆ సౌకర్యాలన్నీ అమరాయి కాబట్టి, మేం టీ తాగడానికి బయటకి పోతున్నాం, ఇహ మీ ఇష్టం..

ఈ జాబును 2008 April 15, Tuesday నాడు 3:34 pm కు గడి కింద ప్రచురించాం.