ప్రచురితమయ్యే ప్రతి పుస్తకమూ సాహిత్యానికో కానుక.
ప్రతి సిరాబొట్టూ కానేరదు వెయ్యి మెదళ్ల కదలిక.
అది పాఠకుల్లో కలిగించే కదలికే దాని విలువకో సూచిక.
“ఉత్తమ సాహిత్యానికి జన్మస్థానం, గమ్యస్థానం కూడా సమాజమే” అని నమ్మే శశిశ్రీ. తొలి కథాసంపుటి దహేజ్. ప్రధానంగా ముస్లిం జీవితాలను చిత్రించిన ఈ సంపుటిపై సమీక్షను, ఆ సంపుటిలోనించి అలికిడి అనే కథను పొద్దులో చదవండి.
“చెట్టుకి గమనం లేదని
జాలి పడకు
దాని ప్రయాణమెప్పుడూ
లోపలికే..”
అంటూ లోతైన భావాన్ని అలతి పదాల్లోనే పలికించగల నేర్పరి, వచన కవితకున్న ఆధునిక పోకడలన్నీటినీ గమనించి ప్రయోగాలతో వివధ కవితా ప్రక్రియల్ని ప్రయత్నించి పాఠకులతో ‘ఆహా’ అనిపించుకున్నప్రతిభాశాలి, ఏటి ఒడ్డున అనే శీర్షికతో తన కవితల్ని బ్లాగ్లోకానికీ పరిచయం చేసిన వ్యక్తి మూలా సుబ్రమణ్యం గారు. ఈ వర్ధమాన అంతర్జాల కవితో జరిపిన ముఖాముఖి చదవండి.
ఆ విధంగా కవిత్వం ఎలా రాయాలో తెలిసికొన్నాక..,
రాకెట్ తగలబడుతోందని
బాధపడకు
దాని ప్రయాణమెప్పుడూ
పైపైకే!
అంటూ రాకెట్ ప్రయోగాలనే సైన్సును కవిత్వమనే కళ స్థాయికి తీసికెళ్తున్న ఇస్రో గురించిన సంపాదకీయం చదవండి.
అమెరికా జెండా పట్టుకుని ఆర్మ్ స్ట్రాంగ్ చంద్రుడి మీదకు దిగకముందే అక్కడ టీకొట్టు పెట్టిన అయ్యరు ఆర్మ్ స్ట్రాంగ్ కు టీ అమ్మడానికొచ్చాడంటుంది అంతర్జాలంలో ప్రాచుర్యంలో ఉన్న ఒక కార్టూను. మరి ఆ అయ్యరులాగే ఈ అంతర్జాలంలో నాలుగు డబ్బులు చేసుకునే మార్గాలేవి? ఆ మార్గాలెంట మనమెంత దూరం వెళ్లగలం? అని విశ్లేషిస్తున్నారు తెలుగు బ్లాగావరణంలో ఆబాలగోపాలానికీ పరిచితుడైన గార్లపాటి ప్రవీణ్.
“గడి సాధకుల బాధలేగాని, గడి కూర్పరుల సాధక బాధకాలు పట్టించుకోరా, మాకూ స్లిప్పులు కావాలి” అని మేం కొత్తపాళీగారి దగ్గర మారాం చేస్తే “దానికేం భాగ్యం, అలాగే కానివ్వండి” అంటూ ఆయన మా పార్టీలో జాయినైపోయారు. ఈ సారి గడి కూర్పరులలో ఆయన కూడా ఒకరు. ఇక స్లిప్పులెలా ఇస్తారో చూడాల్సిందే!! ఆ సంగతి మేం చూస్తాంగానీ, ఈ లోగా గడెలా ఉందో మీరో లుక్కెయ్యండి.
గత రెండు నెలల నుంచీ గడువు పొడిగించడం మూలంగా, ఈ నెల గడిని నెలాఖరుకి గాని సమర్పించలేకపోయాం. దారి తప్పుతున్న గడిని గాడిలో పెట్టాలిగా, అందుకని మేనెల గడికి రెండు వారాలే గడువు. సమాధానాలు మాకు చేరవలసిన ఆఖరు తేదీ జూన్ 7.
మేధస్సు పట్ల, అధికారం పట్ల అభద్రతా భావం.
సామ్రాజ్య దాహం, అధికార వ్యామోహం.
మత చాంధసత్వం, యుద్ధోన్మాదం.
వర్గ పోరాటాలు, విచక్షణా రహిత కౄరత్వం.
జనారణ్యాల్లో మానవత్వం జాడ తెలీనప్పుడు, మనిషి లోంచి మొలుచుకొచ్చే వికృత
బహు ముఖాలెన్నో స్వరూప్ కృష్ణ గారి ఈ కవితలో..
నిన్నటి తొలికోడి మేలుకొలుపుకు స్పందించిన గడివీరులు కొందరు ఇప్పుడిప్పుడే కీబోర్డులు దులుపుతున్నారని తెలుగు సాహిత్యం బ్లాగులో ఈరోజు మొదలైన సందడి ద్వారా తెలుస్తోంది. గడువు పెంచితే బాగుండు అని కూడా సాధకులు కోరుకుంటున్నందువల్ల ఈ ఒక్కసారికీ గడి గడువును ఈ వారాంతం (మే 18 ) వరకు పొడిగించాలని నిర్ణయించాం. మామూలుగా ఏడో తేదీ న వెలువడే గడి మార్చి నెలలో గడువు పెంచడం వల్ల ఏప్రిల్ గడి 14వ తేదీన వెలువడింది. గడువు పొడిగింతల వల్ల గాడి తప్పిన గడిని తిరిగి 7వ తేదీకి రప్పించడానికి వీలుగా మే గడి గడువు ఎప్పటిలా నెలరోజులు కాకుండా మూడువారాలకు కుదించనున్నాం. ఇకనుంచి గడి పరిష్కారాలు పంపేవారు సకాలంలో పంపవలసిందిగా కోరుతున్నాం.
పందిని పొడిచిన వాడే బంటు
కందము రాసిన వాడే కవి
…
…
గడిని పూరించినవారే మొనగాళ్ళు
ఎవరా మొనగాళ్ళు? మాకు తెలియాలి!
రెండే రెండు రోజుల్లో!
“నా మదిలో బోలెడు ఊసులు ఉన్నాయి. రాతలు-కోతలు ఎప్పుడూ ఉండేవే కదా! ఈసారికిలా రేగొడియాలు తింటూ సాలభంజికలు పాడే సరిగమలు విందాం” ఏమిటీ ‘ఈ మాటలు కొంచెం తేడాగా ఉన్నాయ్, దీనివెనుక బ్లాగరులను బ్లాగులు రాయనివ్వకుండా ఆపడానికి ఏదో….. గూడుపుఠాణీ ఉన్నట్ల’నిపిస్తోందా? అదేమిటో వెంటనే తట్టకపోతే మరీ అంత సీరియస్ గా ఆలోచించక వెంఠనే తూరుపు దిక్కుగా వెళ్లండి… అసలే రాన్రానూ పొద్దు ఒక సరదా పాడూ లేకుండా మరీ సీరియస్ పత్రికైపోతోందని పాఠకులు గునుస్తున్నారు. అందుకే మీలాంటి సరదా ప్రియులైన పాఠకులను అలరించడానికి ఈసారి బ్లాగరులకో లేఖతో సిద్ధంగా ఉన్నారు కొల్లూరి సోమశంకర్.
తింటే గారెలే తినాలి
వింటే భారతమే వినాలి.
అప్పులు చేస్తే చంద్రబాబే చెయ్యాలి
ఆస్తులమ్మితే రాజశేఖరరెడ్డే అమ్మాలి
…
ప్రపంచీకరణ నేపథ్యంలో ఆంధ్రప్రదేశ్ రాష్ట్ర ఆర్థికం గురించి కొణతం దిలీప్ చెబుతున్నారు చూడండి. ఒక దళారీ పశ్చాత్తాపం పుస్తకాన్ని అనువదించిన కొణతం దిలీప్ పొద్దుకు రాసిచ్చిన ప్రత్యేక వ్యాసం ఇది.
ఏప్రిల్ నెల బ్లాగుల విశేషాలు ప్రచురించాం.
అలాగే సత్యజిత్ రాయ్ బాల్యం గురించి వి.బి.సౌమ్య రాసిన వ్యాసం కూడా ప్రచురించాం. ఆస్వాదించండి.
