సన్నపురెడ్డి వెంకటరామిరెడ్డి ఇంటర్వ్యూ చివరి భాగాన్ని ప్రచురించాం. అలాగే ఆయన రచించిన ఛందోబద్ధ పద్య కావ్యం, తేటి రాజకీయం కూడా ప్రచురించాం, అవధరించండి.

కొండూరు ఆత్రేయ రచించిన కవిత అనుభూతిని ప్రచురించాం, అవధరించండి.

శ్రీవల్లీ రాధిక రచించిన కవిత కైవల్యం ప్రచురించాం, చూడండి.

ప్రముఖ రచయిత సన్నపురెడ్డి వెంకటరామిరెడ్డితో పొద్దు జరిపిన ఇంటర్వ్యూ గురించిన ప్రస్తావనా వ్యాసం కూడా చూడండి.

అలతి పదాలతోనే అక్షరాలను దృశ్యాలుగా ఆవిష్కరింపజేసే నేర్పున్న మూలా సుబ్రహ్మణ్యం గారు తనదైన శైలిలో పొద్దు కోసం మొదటిసారిగా పంపిన చిన్న కవితను చదవండి.

దాంతోపాటు కొడవటిగంటి కుటుంబరావు రష్యను భాష నుండి అనువదించిన నవల మృతజీవులు, పందొమ్మిదో భాగాన్ని కూడా ఆస్వాదించండి.

మేధస్సు పట్ల, అధికారం పట్ల అభద్రతా భావం.
సామ్రాజ్య దాహం, అధికార వ్యామోహం.
మత చాంధసత్వం, యుద్ధోన్మాదం.
వర్గ పోరాటాలు, విచక్షణా రహిత కౄరత్వం.
జనారణ్యాల్లో మానవత్వం జాడ తెలీనప్పుడు, మనిషి లోంచి మొలుచుకొచ్చే వికృత
బహు ముఖాలెన్నో స్వరూప్ కృష్ణ గారి ఈ కవితలో..

ఓహో, జి.ఎస్.నవీన్ ఈ మధ్య కవితలు రాయడం మొదలుపెట్టారనమాట అని అనుకున్నాం! భలే రాసారే అనీ అనుకున్నాం. అయితే, ఆ కవితా రచన ఇప్పుడు కాదు, చిరుత వయసులోనే మొదలెట్టారని మాకు తెలిసింది. కవితలే కాదు, కార్టూన్లూ వెయ్యగలరు, (గిత్తోడి) కథలూ చెప్పగలరు. సరే.., సాఫ్టువేరు కోడింగు, డీకోడింగు, బగ్గింగు, డీబగ్గింగుల సంగతి చెప్పేదేముంది!
అయితే ఈ సాఫ్టువేరు స్కిల్సును తన కంపెనీకి ఇచ్చేసి, సాఫ్టు స్కిల్సును మాత్రం దాచేసుకున్నారు. ఈ మధ్యే.. వెలికి తీయడం మొదలెట్టారు. ఆయన రాసిన మరో కవిత - “విరహ విలాపాలేలరా…” - ను ప్రచురించాం. ఇది కవిత కాదు, చక్కగా పాడుకోదగ్గ పాట అని పొద్దు సంపాదకవర్గ సభ్యుడన్నారు. చదవండి!

నవీన్ బహుముఖ ప్రజ్ఞను మరింతగా చూడగలమని ఆశిద్దాం.