జూలై నెలలో తెలుగు బ్లాగుల్లో పెద్ద చిన్నా వివాదాలు బానే రేగాయి. పలు అంశాలపై వాడిగా చర్చలు జరిగాయి. వీటిని కొంతవరకైనా పట్టుకుని ఓ వ్యాసంలో బంధించే ప్రయత్నం చేసాం. ఈ విశేషాలను జూలైలో తెలుగు బ్లాగుల విశేషాలు వ్యాసంలో చూడండి.

అమెరికా జెండా పట్టుకుని  ఆర్మ్ స్ట్రాంగ్ చంద్రుడి మీదకు దిగకముందే అక్కడ టీకొట్టు పెట్టిన అయ్యరు ఆర్మ్ స్ట్రాంగ్ కు టీ అమ్మడానికొచ్చాడంటుంది అంతర్జాలంలో ప్రాచుర్యంలో ఉన్న ఒక కార్టూను. మరి ఆ అయ్యరులాగే ఈ అంతర్జాలంలో నాలుగు డబ్బులు చేసుకునే మార్గాలేవి? ఆ మార్గాలెంట మనమెంత దూరం వెళ్లగలం? అని విశ్లేషిస్తున్నారు తెలుగు బ్లాగావరణంలో ఆబాలగోపాలానికీ పరిచితుడైన గార్లపాటి ప్రవీణ్.