సన్నపురెడ్డి వెంకటరామిరెడ్డితో పొద్దు సంపాదకులు జరిపిన ఇంటర్వ్యూ మొదటి భాగాన్ని ప్రచురించాం, ఆస్వాదించండి.

అనివార్యమైన కారణాల వలన పొద్దులో ఈ నెల గడిని ప్రచురించలేకపోతున్నాం. వచ్చే నెల గడిని అక్టోబరు 13 న ప్రచురిస్తాము. గత నెల గడి ఫలితాలు వివరణలను ప్రచురించాం.

ముక్కు శ్రీరాఘవ కిరణ్ రాసిన “ఉపజాతి పద్యాలు” వ్యాసాల శ్రేణిలో మొదటి భాగాన్ని మీకు అందిస్తున్నాం.

ప్రముఖ కవయిత్రి లలితా ముఖర్జీ నిన్న (26 ఆగస్టు) మధ్యాహ్నం 3:10 కి క్యాన్సర్ తో మరణించారు. ఆమెకు పొద్దు నివాళి.

ఫ్రీగా వస్తేనే సాఫ్టువేరు వాడాలంటున్నారు పొద్దు సంపాదకవర్గ సభ్యుడు, వీవెన్. కానీ ఇక్కడ ఫ్రీ అంటే ఆ ఫ్రీ మాత్రమే కాదట.. అది “ఫ్రీ” అట! తికమక పెట్టామా? అయితే ఆ వ్యాసం చదవండి.
అలాగే స్వాతీ శ్రీపాద గారి మనసుకు చూపుంటే… కవిత కూడా మీకోసం.

గతనెలలో రానారె కూర్చిన గడి సాధకులందరినీ ముప్పుతిప్పలు పెట్టింది. క్లిష్టమైన గడులు కూర్చిన నేర్పరులు సైతం ఆ గడిని చూసి, కూర్పరిని గురించి  “వీడు సామాన్యుడు కాడు” అనేశారు. మరి ఆ గడిని ఎంతమంది పూరించి పంపారో పొద్దులో చూడండి. భైరవభట్ల కామేశ్వరరావు గారు సమతూకంతో కూర్చిన జూలై గడి సిద్ధంగా ఉంది. ఎప్పటిలాగే గడి గడువు వచ్చే నెల ఏడవ తేదీ.

విశ్వకవి రవీంద్రనాథ్ టాగోర్ కవిత Stray Birds కు ‘బ్లాగాడిస్తా’ రవి స్వేచ్ఛానువాదం స్వేచ్ఛావిహంగాలు పొద్దులో.

మనం పొందిన అనుభవాలనో, మనకు తెలిసిన సమాచారాన్నో, మనకు కలిగిన ఆలోచనలనో, అభిప్రాయాలనో స్థలకాలాల పరిమితులను దాటించి పదుగురితో పంచుకోవాలంటే వాటిని లిఖితరూపంలో పెట్టడమే ఉత్తమ మార్గం. లిపిని నేర్చుకోవడమే అక్షరాస్యతకు తొలిమెట్టు. కానీ లిపుల గురించి మనకు తెలిసింది చాలా తక్కువ. అలాంటి లిపుల గురించి మనకు తెలియని విశేషాలను వివరిస్తున్నారు కొడవటిగంటి రోహిణీప్రసాద్ గారు రాసినది చదవడం అనే వ్యాసంలో.

తమలపాకుతో నువ్వొకటంటే తలుపుచెక్కతో నే రెండంటా అని సామెత. బ్లాగుల్లోనూ వ్యాఖ్యల్లోనూ ఈ ఒకట్లూ రెళ్ళూ ఎలా ఉంటాయో, ఎలా ఉండాలో అందుకు మనమేం చెయ్యాలో… పొద్దు సంపాదకుడు రానారె తన సంపాదకీయంలో చర్చిస్తున్నారు, మీరూ పాల్గొని చర్చించండి.

విశ్వకవి రవీంద్రనాథ్ ఠాగూర్ వెలిగించిన ‘నెలవంక’ (Crescent Moon) ను నేడు మరొక రవీంద్రులు తెలుగు నింగిలో ఆహ్లాదకరంగా వెలయించారు. ఆ వెన్నెల్లో మా పాఠకులు తడిసి ఆనందించగలరని భావిస్తున్నాం.

ఊకదంపుడు: “విషయం ఏమి లేకుండా ఇంతసేపు మాట్లాడటానికి .. ఇంత కన్నా మంచి పేరు లేదు - ఒక్క తెలుగు లోనే కాదు - మిగతా భాషల్లో కూడ…” అంటారు ఆ బ్లాగరి. ఆ పేరునే పెట్టుకుని మంచి మంచి జాబులను వెలయిస్తున్న ఊకదంపుడు బ్లాగును సమీక్షిస్తున్నారు, స్వాతికుమారి.

తెలుగు బ్లాగుల్లో మే నెలలో వచ్చిన మాకు నచ్చిన జాబులు ఇవిగో ఇక్కడ చదవండి.