విశ్వకవి రవీంద్రనాథ్ ఠాగూర్ వెలిగించిన ‘నెలవంక’ (Crescent Moon) ను నేడు మరొక రవీంద్రులు తెలుగు నింగిలో ఆహ్లాదకరంగా వెలయించారు. ఆ వెన్నెల్లో మా పాఠకులు తడిసి ఆనందించగలరని భావిస్తున్నాం.

ఊకదంపుడు: “విషయం ఏమి లేకుండా ఇంతసేపు మాట్లాడటానికి .. ఇంత కన్నా మంచి పేరు లేదు - ఒక్క తెలుగు లోనే కాదు - మిగతా భాషల్లో కూడ…” అంటారు ఆ బ్లాగరి. ఆ పేరునే పెట్టుకుని మంచి మంచి జాబులను వెలయిస్తున్న ఊకదంపుడు బ్లాగును సమీక్షిస్తున్నారు, స్వాతికుమారి.

తెలుగు బ్లాగుల్లో మే నెలలో వచ్చిన మాకు నచ్చిన జాబులు ఇవిగో ఇక్కడ చదవండి.

“నా మదిలో బోలెడు ఊసులు ఉన్నాయి. రాతలు-కోతలు ఎప్పుడూ ఉండేవే కదా! ఈసారికిలా రేగొడియాలు తింటూ సాలభంజికలు పాడే సరిగమలు విందాం” ఏమిటీ ‘ఈ మాటలు కొంచెం తేడాగా ఉన్నాయ్, దీనివెనుక బ్లాగరులను బ్లాగులు రాయనివ్వకుండా ఆపడానికి ఏదో….. గూడుపుఠాణీ ఉన్నట్ల’నిపిస్తోందా? అదేమిటో వెంటనే తట్టకపోతే మరీ అంత సీరియస్ గా ఆలోచించక వెంఠనే తూరుపు దిక్కుగా వెళ్లండి… అసలే రాన్రానూ పొద్దు ఒక సరదా పాడూ లేకుండా మరీ సీరియస్ పత్రికైపోతోందని పాఠకులు గునుస్తున్నారు. అందుకే మీలాంటి సరదా ప్రియులైన పాఠకులను అలరించడానికి ఈసారి బ్లాగరులకో లేఖతో సిద్ధంగా ఉన్నారు కొల్లూరి సోమశంకర్.

ఏప్రిల్ నెల బ్లాగుల విశేషాలు ప్రచురించాం.

అలాగే సత్యజిత్ రాయ్ బాల్యం గురించి వి.బి.సౌమ్య రాసిన వ్యాసం కూడా ప్రచురించాం. ఆస్వాదించండి.

వసంత ఋతువు కదండీ, ప్రకృతికి వసంతం చైత్రంతోనే వచ్చేసింది. కొన్ని రోజులు గడిచి ఎండలు ముదిరి గ్రీష్మం ఆర్భాటంగా ఫెళ ఫెళ మని అడుగిడుతుంటే కొంచం దిగులుగా ఉండే మాట నిజం. ఐతే మళ్ళీ సరికొత్త వసంత సౌరభాన్ని ఇప్పుడూ అస్వాదించాలనుకుంటే …. నిషిగంధ గారి తాజా కవితను చదవాల్సిందే.
~~~~~~~~~
వేసవి కదండీ, ఉక్కపోతగానే వుంటుంది.

ఈ యండల్లో లిరిల్ తాజాదనం మంచి రిలీఫ్ కదా!

అయితే ఏమిటంటారా?

కాలంతో నిమిత్తం లేకుండా ఎప్పుడూ తాజాగా వుండే ఒక బ్లాగుంది.

ఈ నెల బ్లాగుసమీక్షలో ఆ తాజాదనాన్ని మీ ముందుకు తెస్తున్నాం. ఆస్వాదించండి.
~~~~~~~~~
మృతజీవులు ఏప్రిల్ భాగం ఇంకా ప్రచురించలేదు కదండీ.. అందుకే పదిహేడో భాగం ప్రచురించాం, చదవండి.

తెలుగు ప్రజలందరికీ సర్వధారి నామ సంవత్సర శుభాకాంక్షలు.

పొద్దు సంపాదకవర్గంలోకి కొత్తగా చేరిన స్వాతికుమారి గారు రాసిన ఉగాది సంపాదకీయం చదవండి.

షడ్రుచుల పండగ రోజున నవకవులు దత్త పదులతోటీ, పదకొండులతోటీ చేసిన సందడి గనండి. అభినవ భువనవిజయ వ్యాసాలన్నిటినీ చదవండి. భువన విజయం పద్యాలు చదివాక, ఆ స్ఫూర్తితో మీరూ పద్యాలు రాయండి. మీరూ సర్వధారికి ఆహ్వానం పలకండి, ఇలా..

సంపద కలుగంగ సంతతధారగ
సకలసుఖములీయ సర్వసాక్షి
సర్వ జనుల కిదియె పర్వదినముకాగ
సర్వధారికిమ్ము స్వాగతమ్ము

గడిపై అంతర్జాలంలో ప్రతిధ్వనిస్తున్న పురజనుల గుసగుసల హోరును గమనించి, వ్యవధిని ఓ వారం పాటు పెంచాలని నిర్ణయించాము.

కాపీలు కొట్టుకోడానికి ఇక ఏప్రిల్ 14 దాకా టైముందొహో!!!

ఉగాది వస్తోందని, కోయిల ముందే కూస్తోంది. రాబోయే ఉగాది సాహితీ సందడికి గాను తమ తమ పాళీలు నూరమని రచయితలకు, బ్లాగరులకు చెబుతున్నారు పొద్దు సంపాదకుడు దేవరపల్లి రాజేంద్ర కుమార్, తమ సంపాదకీయంలో. పొద్దు సంపాదకవర్గం తమకూ ఓ పేజీ ఉండాల్సిన సమయం వచ్చిందని గ్రహించింది. ఇక నుండీ సంపాదకీయం పేజీ సంపాదకులకే.. మొదటిపేజీ ఇక కేవలం మొదటి పేజీ అంతే!

చినుకు కోసం రైతు చూసే ఎదురుచూపుల వ్యథను వివరిస్తున్నారు జోగధేను స్వరూప్ కృష్ణ తమ కవితలో.

పొద్దు గురించి చెప్పే ఓ పేజీ ఇప్పటిదాకా లేదు పొద్దులో! ఆ లోటు తీరిందిక!

ఈనాడులో ఫిబ్రవరి 3 న వచ్చిన వ్యాసం తెలుగు వెబ్ లోకాన్ని ఆశ్చర్యానందాల్లో ముంచెత్తింది. వికీపీడియాపై దృష్టి కేంద్రీకరించిన ఈ వ్యాసం ఇప్పటి వరకూ వెబ్‌లో తెలుగుపై వచ్చిన వార్తా కథనాల్లోకెల్లా విస్తృతమైనది, లోతైనదీనూ. నెజ్జనులు ఈ వ్యాసాన్ని స్వాగతిస్తూ ఈనాడుకు కృతజ్ఞతలు తెలిపారు. తొలికోడి కూడా వారితో గొంతు కలిపి ఈనాడుకు నెనరులు తెలుపుతోంది.

ఇకపోతే బ్లాగు లోకంలో జనవరిలో ఏమెం జరిగాయో గమనించారా? ఎవరెవరేమేం రాసారో చదివారా? చదవలేదా! పోన్లెండి, ఏం పర్లేదు.. ఆ విషయం తెలుసుకునే అవకాశం పొద్దు మీకిస్తోంది. జనవరి బ్లాగుల ప్రస్థానాన్ని లిపిబద్ధం చేసింది, పొద్దు. జనవరి నెల తెలుగు బ్లాగుల కథా కమామిషూ! అనే పేరుతో ఒక వ్యాసాన్ని ప్రచురించాం. ప్రతీ ఒక్క బ్లాగునూ ఆ వ్యాసంలో పొందుపరచలేకపోయినప్పటికీ, ముఖ్యమైన విషయాలపై జాబులు వెలువరించిన బ్లాగులను అక్కడ ఉంచామనే అనుకుంటున్నాము. ఓసారి చూడండి. దాన్ని మరింత సమగ్రంగా చేసేందుకు మాకు సూచనలివ్వండి.

ఈ వ్యాసంతో పాటే అసూర్యంపశ్య రాసిన ఆ దారి కవితను కూడా ప్రచురించాం.

తొలికోడి మీకు స్వాగతం చెబుతోంది!

పొద్దు గురించిన విశేషాలు, పొద్దులో ప్రచురణల గురించిన వార్తలను ఈ బ్లాగులో రాస్తూ ఉంటాం.

ఇది పొద్దు కోసం పనిచేసే వార్తాహరి.
-పొద్దు