సెప్టెంబరు నెలలో బ్లాగుల సింహావలోకనం ప్రచురించలేకపోయాం. ఈ శీర్షికను అభిమానించే పాఠకులు కొంత అసంతృప్తి చెందిన సంగతిని మేము గ్రహించాం. ఆపకండని కోరిన పాఠకులకు నెనరులు చెప్పుకుంటున్నాం. కేవలం అనివార్యమైన కారణాల వలన ఈ వ్యాసాన్ని తేలేకపోయామే తప్ప, మరో కారణం లేదని తెలియజేస్తూ, అక్టోబరు నెల బ్లాగుల ప్రస్థానాన్ని సమర్పిస్తున్నాం, చూడండి.

ఆగస్టు నెల బ్లాగుల విశేషాలను తీసుకొచ్చాం. పొద్దు సర్వరులో తలెత్తిన లోపాల కారణంగా ఈ వ్యాసాన్ని ప్రచురించడంలో ఆలస్యమైంది. పాఠకులు ఓర్పు వహించినందుకు నెనరులు.

జూన్ నెలలో సామాజిక, రాజకీయ వాతావరణం వేడివేడిగా ఉన్నట్టే, బ్లాగు వాతావరణం కూడా వేడిగానే ఉంది. టపాలు, వాటిలో చర్చలు కూడా వేడిగా వాడిగానే జరిగాయి. ఆ విశేషాలను కలగలిపిన వ్యాసం, పొద్దులో.

నవరసాల్లో హాస్యరసానిదో విశిష్ట స్థానం. అసలు రసరాజం హాస్యమేననేవాళ్ళూ ఉన్నారు. అలాగే బ్లాగులందు హాస్యబ్లాగులు వేరయా అని కూడా అనుకోవచ్చు. అలాంటి మేలైన హాస్యబ్లాగుల్లో ఎన్నదగినది “అప్పుడు ఏమి జరిగిందంటే..” అంటూ క్రాంతి “మేడం” రాసే క్రాంతిగాయం బ్లాగు. ఆ బ్లాగుపై పొద్దు సమీక్ష ఇదిగో…

పిచ్చిపుల్లయ్యల రోజున పిచ్చిపుల్లయ్యలైన వారందరికీ మా సానుభూతి (సహ అనుభూతి కూడా లెండి)! ఏంపర్లేదు, ఊరడిల్లండి.. కానివారి సంగతి మనం చూద్దాం!!

మార్చి నెల ఐపోయింది నిన్నే. ఏప్రిల్ 1 వచ్చిందీ ఇప్పుడే.. ఇంకా కొందరికి రాలేదు కూడా. అప్పుడే మార్చి నెల బ్లాగు టపాల జాబితా విడుదలైంది. వెంఠనే వెళ్ళి చూడండి. ఇదిగో ఇదే లింకు - http://poddu.net/?p=549. మీరు రాసిన జాబు కూడా ఉందేమో చూడండి.

ఆలసించిన ఆశాభంగం!

నేడే చూడండి.. మీ అభిమాన వెబ్ పత్రిక పొద్దులో.. విశ్వవిఖ్యాత.. ..

వచ్చేసింది ఫిబ్రవరి బ్లాగోతం! ఫిబ్రవరిలో బ్లాగుల్లో ఏమేం జరిగాయో చెబుతూ 2008 ఫిబ్రవరి బ్లాగోగులు అనే వ్యాసం ప్రచురించాం. ఎన్ని బ్లాగులు, ఎన్నెన్ని జాబులో! ఈసారి ఓ ఎన్నిక కూడా పెట్టాం.. జాబు, టపా ఈరెంటిలో మీ ఎంపికేదో చెప్పమంటూ! మీ వోటెయ్యండి మరి!
OpenID ని పొద్దు సపోర్టు చేస్తోంది. త్వరలోనే ఒక వ్యాసమూ వస్తోంది.

అక్షరాలను దూసి

మలచి మాలగ జేసి

తెలుగుతల్లికి వేసి

ధన్యుడయ్యెను మనిషి!

(ఏంటో.. రానారెను తలిస్తేనే పద్యాలొస్తున్నాయి! పాదాలూ మాత్రలూ కూడా పెరిగిపోతున్నాయి.)

వచనమైనా నిర్వచనమైనా అలవోకగా రాసుకెళ్ళిపోయే రానారె, లాగులు తొడుక్కునే టప్పటి నుండీ రాస్తున్నాడు. లాగుల నాడైనా, బ్లాగుల నాడైనా అందరిలోకీ ఆతడే ముందు! పొద్దులో అతడి బ్లాగులపై సమీక్ష చూడండి!

———————–

రా(సి)నారె అనే ఈ జాబు శీర్షికను ఎక్కడి నుండి కొట్టుకొచ్చామో తెలిసిపోయింది కదా!

ఊరకనే తెచ్చుకున్నా, ఏమననందుకు వారికి మా నెనరులు!